Оюутан залуусын мэдлэг боловсрол, зохион бүтээлч сэтгэлгээ, авьяас чадвар, техник сэтгэлгээг хөгжүүлэх зорилготой “ЦАГААН ЗУРААС ДАГАГЧ АВТОМАТ РОБОТ” –ын тэмцээнийг  ЭХС-ийн “ЭРЧИМ КЛУБ” –ээс  2022 оны 11 сарын 05-ны өдөр амжилттай зохион байгууллаа.

   Тус тэмцээн 2 төрлөөр зохион байгуулагдсан бөгөөд ЭХС-ийн “Цахилгаан, Электроник”, “Цахилгаан системийн автоматжуулалт”, “Цахилгаан хангамж” мэргэжлээр суралцаж буй  оюутнууд хамрагдсан бөгөөд нийт 11 багийн тамирчид оролцов.       

   Тэмцээнийг ЭХС-ийн ЦТС-ийн эрхлэгч доктор (Ph.D), дэд профессор Б.Бат-Эрдэнэ нээж, оролцсон баг тамирчдад мэндчилгээ дэвшүүлэв.

   Тус тэмцээний ерөнхий шүүгчээр “Перфект Солюшн Энд Инженеринг” ХХК –ийн захирал Г.Нямсүрэн, ЭХС-ийн ахлах багш, доктор (Ph.D), дэд профессор Б.Нямбаяр, ЭХС-ийн ахлах багш, доктор (Ph.D), профессор М.Ганхүлэг, магистр Д.Өлзийноров, магистр Э.Батцэцэг нар ажиллалаа.

Тойрог замын төрөлд:

  1-р байр   ЭХС-ийн “Цахилгаан, Электроник” мэргэжлийн 1-р курсын оюутан О.Батсуурь, Д.Билгүүн

  2-р байр  ЭХС-ийн “Цахилгаан системийн автоматжуулалт” мэргэжлийн 3-р курсын оюутан М.Цагаанбаяр

  3-р байр  ЭХС-ийн “Цахилгаан, Электроник” мэргэжлийн 3-р курсын оюутан Н.Энхбаатар

Шулуун замын төрөлд:

   1-р байр   ЭХС-ийн “Цахилгаан системийн автоматжуулалт” мэргэжлийн  2-р курсын оюутан Б.Дашням

   2-р байр  ЭХС-ийн “Цахилгаан системийн автоматжуулалт” мэргэжлийн   3-р курсын оюутан М.Цагаанбаяр

   3-р байр  ЭХС-ийн “Цахилгаан, Электроник” мэргэжлийн   3-р курсын оюутан Н.Энхбаатар

“Загварлаг робот” төрөлд ЭХС-ийн “Цахилгаан, Электроник” мэргэжлийн 4-р курсын оюутан А.Отгонбаяр, В.Бямба-Очир

“Найдвартай ажиллагаатай робот”-оор ЭХС-ийн “Цахилгаан системийн автоматжуулалт” мэргэжлийн 1-р курсын оюутан Б.Мөнхтуяа, М.Уянга нарын роботууд тус тус байр эзлэв.

Ерөнхий ивээн тэтгэгч  “Перфект Солюшн Энд Инженеринг” ХХК -ийн хамт олонд талархал илэрхийлье.

Амжилттай оролцсон оюутнууддаа цаашдын сурлага, хөдөлмөрт  нь өндөр амжилт

хүсэн ерөөе!

ЭХС-ИЙН ЦАХИЛГААН ТЕХНИКИЙН САЛБАРЫН

ЦАХИЛГААН ЭЛЕКТРОНИК МЭРГЭЖЛИЙН БАГШ НАР

“ЭРЧИМ КЛУБ”

2022.11.08