ЭРЧИМ ХҮЧНИЙ СУРГУУЛИЙН НЭРЭМЖИТ “ЦАХИЛГААН ТЕХНИКИЙН ҮНДЭС”

 ХИЧЭЭЛИЙН НЭЭЛТТЭЙ ОЛИМПИАДЫН ДҮН

ЭХС-ийн нэрэмжит “Цахилгаан техникийн үндэс” хичээлийн нээлттэй олимпиад 2 шаттайгаар амжилттай явагдан 2017-04-22-нд дүнгээ гаргалаа. 2-р шатанд ШУТИС-ийн салбар сургуулиудаас шалгарсан нэр бүхий оюутнуудаас гадна, цахилгааны бус мэргэжлийн ангид ”Цахилгаан техникийн үндэс” хичээлийг судалж буй Шинэ Монгол Технологийн Дээд сургууль, Үндэсний Технологийн Дээд Сургуулиудын нийт 74 оюутнууд хамрагдан оролцлоо. Дараах нэр бүхий оюутнууд уран бодолт, мэдлэг чадвараараа 1, 2, 3-р байр болон тусгай байранд шалгарлаа.

 Олимпиадыг Цахилгаан техникийн тэнхмийн эрхлэгч Ч.Нацагдорж үг хэлж нээснээр олимпиадыг үйл ажиллагаа эхлэв.

Олимпиадын үйл ажиллагаа дууссаны дараа удирдсан багш нар нь оюутнуудтайгаа болон хамт олонтойгоо дурсгалын зураг авахуулав.

Шагнал гардуулахад ЭХС-ийн захирал Ч.Мангалжалав, цахилгаан техникийн салбарын эрхлэгч Ч.Нацагдорж болон салбарын профессор, багш нар оролцлоо.   

Олимпиадыг амжилттай зохион байгуулахад туслалцаа үзүүлсэн ЭХС-ийн захиргаа, ЦТС-ын профессор, багш нар, ШМТДС, ҮТДС-ийн багш нарт талархал илэрхийлье.

Олимпиадад оролцсон болон амжилт гаргасан бүх оюутнууддаа сурлагын өндөр амжилт хүсэн ерөөе.

ЭРЧИМ ХҮЧНИЙ СУРГУУЛИЙН ЦАХИЛГААН ТЕХНИКИЙН САЛБАР