Эрчим хүчний сургуулийн Дулааны инженерийн салбараас зохион байгуулдаг Шинжлэх ухаан технологийн их сургуулийн бүрэлдэхүүн сургуулиудын инженерийн ангиудад судалдаг Дулаан техник, термодинамик, Дулааны хүчний төхөөрөмж, Дулаан тархалтын онол, Техникийн термодинамик хичээлүүдийн хүрээнд оюутнуудын судалсан онолын мэдлэг, чадварыг сорьдог “ДУЛААН ТЕХНИК” олимпиад уламжлал ёсоор 11 дэх жилдээ амжилттай явагдаж өнгөрлөө.

  Олимпиад зохион байгуулах комисст Дулааны инженерийн салбарын эрхлэгч, доктор А.Түмэнбаяр, ахлах багш, доктор Д.Чимэдсүрэн, ахлах багш, доктор Б.Баттөр, багш Д.Анударь, дадлагажигч багш Х.Бөртжин нар ажиллав.   

   Тус олимпиадад оролцсон нийт 60 гаруй оюутан оролцсоноос өөрийн мэдлэг, чадвараар шалгарч бусдыгаа манлайлан эхний 10 байранд орсон оюутнуудад Эрчим хүчний сургуулийн захирал Б.Бат-Эрдэнэ, Дулааны инженерийн салбарын эрхлэгч А.Түмэнбаяр нар шагналыг гардуулж, баяр хүргэв.